Berisha: Ja si Rama po e favorizon Bashën, nesër e nxjerrim butësisht nga zyra

Ish-Kryeministri Sali Berisha u shpreh mbrëmjen e sotme në Syri Tv se Kryeministri Edi Rama po favorizon Lulzim Bashën duke i garantuar mbrojtjen me Gardën e Republikës, ndërkohë që ai nuk është më kryetar i PD-së.

“Nëse Lulzim Basha ndjehet i kërcënuar, Edi Rama mund ta mbronte me policë, por jo me gardistë”, tha Berisha.

Duke iu përgjigjur deklaratave të Lulzim Bashës, që e cilësoi protestën e nesërme si anti-amerikane, Berisha tha se kjo protestë është në mbrojtje të pluralizmit.

LEXO EDHE  Tritol automjetit të parkuar, pronari me precedent penal

“Nesër po hap dyert e shtëpisë sime, që mi ka mbyllur një person që nuk njeh parimin e demokracisë: shumica vendos. Këtë revolucion nuk e ndal dot askush. Basha do të dalë butësisht nga zyra e Kryetarit të PD”, tha Berisha.