Komisioni i Rithemelimit të PD-së do të shkojë sërish sot në seli, ku dera qëndron e mbyllur me urdhër të Lulzim Bashës.
Dera e PD-së qëndron e mbyllur me pretendimin se brenda godinës po kryhen punime.
“Përshëndetje! Sot nga ora 11.00-12.00 do te ketë vizita tek Selia. Ftojme mediat të marrin pjesë”, thuhet në njoftimin e Komisionit për Rithemelimin e PD-së.
Gjatë ditës së djeshme pati disa incidente jashtë selisë së PD-së, ku deputetët e gjetën derën të mbyllur, dhe nga hyrja kryesore u lejua që të hynte vetëm kryetari Lulzim Basha.
Gazment Bardhi tha gjatë një deklarate se deputetët duhet të njoftojnë administratën për vizitat e tyre në seli, dhe paralajmëroi se nuk do të hyjë asnjë shoqërues i tyre që ka lidhje me trafikantët brenda godinës.
