Nga Boldnews.al
Shpesh mbante fjalime që shkonin nga populizmi dhe gjoja shpotitje brinjë më brinjë të aferave të qeverisë, por kur ishte çështja për të ngritur kartonin në favor të ligjeve që sillte qeveria, deputeti Myslym Murrizi nuk hezitonte. Jepej ideja se parlamenti kishte opozitë, por aq dobët ishte ky perceptim sa edhe vetë protagonistët gjoja opozitarë i hante ingranazhi i pushtetit.
Megjithatë tashmë Lymi jo vetëm nuk u duhet, sepse nuk është asgjë, por edhe po hakmarren. Ndaj ish-deputetit demokrat që refuzoi djegien e mandatit Myslym Murrizi është kryer kallëzim nga Drejtoria e Krimit Ekonomik, në Policinë e Shtetit, nën akuzë për fshehje të ardhurash e pastrim parash. Nga Drejtoria e Krimit Ekonomik kërkohet nga Prokuroria e Tiranës, që të regjistrojë procedimin penal ndaj Myslim Murrizit, të dyshuar për kryerjen e veprës penale, ‘Fshehje e të ardhurave’, dhe ‘pastrim i i produkteve të veprës penale’, nene këto të parashikuar në kodin penal.
Bëhet fjalë për një shumë prej 60 mijë eurosh të cilat policia dyshon se nuk i ka deklaruar dhe u mungon burimi i të ardhurave. Në fakt Murruizi u bë shkaktar që të niste procedimi penal për tenderin e uniformave të Policisë së Shtetit me një fond prej 28 milionë eurosh ku u konstatuan shkelje të rënda dhe solli arrestimin nga SPAK të disa zyrtarucëve të Ministrisë së Brendshme. Kupola nuk u prek, por hakmarrja do vinte shpejt.
Tashmë Murrizi do të përballet me drejtësinë për akuzën e fshehjes së të ardhurave, por si një personazh i zgjuar, që ka një formim të dukshëm të shkollës “anglosaksone”, e ka të qartë se në Prokurorinë e Tiranës vetëm Rama bën punë…
Verifikimi ka nisur në kohën kur Policia e Shtetit drejtohej nga Ardi Veliu dhe tashmë po e dërgojnë Murrizin në prokurori. Ka shumë kohë që nuk kemi dëgjuar për Drejtorinë e Krimit Ekonomik, madje është një institucion që vetëm si emër figuron, pasi hetimi kundër krimit ekonomuik dhe korrupsiasionit prej vitesh është tërësisht pushim.
Dhe kjo drejtësia e re ish-it i ka lehtë për ti hetuar, e madje edhe treguar me “gishtin e ligjit” se po punojnë dhe se korrupsioni po luftohet. E bënë edhe më një ish-tjetër si Lefter Koka që sot kalon kohën në Burgun 313 për aferën e inceneratorëve, ndërsa bosët e vërtetë të aferave ndodhen në kupolën qeverisëse, madje marrin pjesë edhe në seminare me temë: “Drejtësia e re po bën namin”.
Janë të gjithë limonë të shtrydhur që nuk i vlejnë pushtetit. Sot na del një “hetim i thelluar” nga policia, pavarësisht se bëhet fjalë për verifikimin e disa trasnsaksioneve të Murrizit që nga viti 2011. Sot e zbuluan. Kujdes ish-a, qeverisë i duhen “koka turku”, me të dobëtit nga lubitë e kurrupsionit do e pesojnë!
