Vijojnë hetimet lidhur me sasinë prej 119 kg kokainë që hyri në Portin e Durrësit. Raportohet se Prokuroria e Tiranës ka marrë në pyetje punonjësit e agjencisë doganore të Durrësit pasi kontejneri kaloi në skaner dhe doli i pastër.
Sasia e kokainës është gjetur në Vaqarr të Tiranës. Shoferi që shkoi për të marrë dërgesën e kontenierit me banane deklaroi se iu bë pritë në rrugën e vjetër nga 4 persona të armatosur teksa po shkonte drejt magazinës për të shkarkuar. Sipas tij, ata kryen një kontroll për rreth 30 minuta ndërsa e kërcënuan dhe për këtë arsye nuk njoftoi policinë, por vuri në dijeni menaxherin e firmës, Marson Muratajn.
Kontenieri me banane vinte nga Ekuadori. Mes bananeve u gjetën të fshehura 119 kg kokainë. Shoferi Hasan Salihu dhe Marson Muratajaktualisht janë të arrestuar.
