Vendimet nga KKT/ Nga hotele në bregdet te HEC-et, si dhe shtyrja e afatit për terminalin lindor në Tiranë

Këshilli Kombëtar i Territorit mbylli vitin e shkuar me një mbledhje ku miratoi 16 vendime ku pjesa më e madhe e tyre kanë të bëjnë me ndërtimin e strukturave akomoduese në bregdet si dhe disa hidrocentrale që përfshijnë rajone si Elbasani, Skrapari apo Dibra.

Në listën e vendimeve bien në sy edhe disa leje ndërtimi të miratuara për kryeqytetin ku një prej tyre në Bulevardin Zogu I ndërkohë që një tjetër objekt banim dhe shërbim është miratuar në rrugën Nikolla Jorga.

Strukturat akomoduese turistike përfshijnë një hotel në fshatin Dhërmi, një tjetër në Palasë por edhe zgjerimin e një rrjeti hotelesh me një ndërtesë të re në zonën e Shkëmbit të Kavajës në Durrës. Një tjetër leje zhvillimi për hotel dhe pishinë është dhënë në Kavajë e po kështu edhe për Sarandën.

Sipas lejeve të dhëna, shoqëria “Iliria Accessori” sh.p.k. ka marrë Leje Zhvillimi për objektin: “Godinë shërbimi hotelier”, me vendndodhje në fshatin Dhërmi në Bashkinë Himarë. Një tjetër leje në jug e ka marrë shoqëria “Gjikuria” sh.p.k. për objektin: “Strukturë me funksion hotelerie, me vendndodhje në Palasë, White Wave Hotel Design, Bashkia Himarë”.

Në Durrës, Subjekti zhvillues Z. Julian Gripshi ka marrë leje ndërtimi për objektin: “Hotel dhe pishinë “Royal 5G”, me vendndodhje tek Shkëmbi i Kavajës. Në zonën e Kavajës, subjekti “Bonita & Brilliant” sh.p.k. ka marrë leje zhvillimi për objektin: “Strukturë turistike dhe pishinë”

Në sy bie një mori vendimesh për hidrocentrale të cilët janë të shumtë në numër dhe të konceptuar si kaskadë në disa lumenj. Kështu vendimi i parë parashikon një HEC në përroin e Grabovës në Gramsh, më pas një leje ndërtimi për tre hidrocentrale në Bashkinë e Skraparit nga Vokopola Energji. Në Gostimë parashikohet ndërtimi i të paktën gjashtë hidrocentraleve ndërkohë që në një degë të lumit Seta në Dibër është miratuar leja për një tjetër HEC.

Në mbledhjen e fundit të vitit 2021 KKT miratoi edhe shtyrjen e afatit të lejes për terminalin lindor të autobusëve në kryeqytet.

Vendimet

Leje Ndërtimi për objektin: “Godina Nr. 22”, me vendndodhje në Bulevardin “Zogu I”, Bashkia Tiranë, me subjekt zhvillues Bashkinë Tiranë.

Leje Zhvillimi për objektin: “Objekt banimi dhe shërbimesh, me vendndodhje në Rrugën “Nikolla Jorga”, Bashkia Tiranë”, me subjekt zhvillues shoqërinë “NordKonstruksion” sh.p.k.

Leje Zhvillimi për objektin: “Godinë shërbimi hotelier”, me vendndodhje në fshatin Dhërmi në Bashkinë Himarë, me subjekt zhvillues shoqërinë “Iliria Accessori” sh.p.k.

Leje Ndërtimi për objektin: “Strukturë me funksion hotelerie, me vendndodhje në Palasë, Ëhite Ëave Hotel Design, Bashkia Himarë”, me subjekt zhvillues shoqërinë “Gjikuria” sh.p.k.

Leje Ndërtimi për objektin: “Hotel dhe pishinë “Royal 5G”, me vendndodhje tek Shkëmbi i Kavajës, Bashkia Durrës”, me subjekt zhvillues Z. Julian Gripshi.

LEXO EDHE  Rrëmbeu 17 vjeçaren, arrestohet shqiptari/ Detajet

Leje Zhvillimi për objektin: “Strukturë turistike dhe pishinë”, me vendndodhje në Bashkinë Kavajë, me zhvillues “Bonita & Brilliant” sh.p.k.

Leje Zhvillimi për objektin: “Strukturë turistike Hotel”, me vendndodhje në Bashkinë Sarandë, me subjekt zhvillues Z. Ramadan Pashaj.

Leje Zhvillimi për objektin: “Karburant Xheni + lokal, Spitallë”, Bashkia Durrës, me subjekt zhvillues shoqërinë “Xheni Group Oil” sh.p.k.

Leje Ndërtimi për objektin: “Ndërtimi i burimit të ri gjenerues të energjisë, Hec Grabova 2, në pellgun e Përroit të Grabovës, Bashkia Gramsh, Qarku Elbasan”, me zhvillues subjektin “H.K Hec Grabova 2” sh.p.k.

Leje Ndërtimi për objektin: “Ndërtimin i Hidrocentralit “Vokopola 1”, “Vokopola 2” dhe “Vokopola 3”, Bashkia Skrapar, Poliçan dhe Memaliaj”, me subjekt zhvillues shoqërinë “Vokopola Energji” sh.p.k.

Leje ndërtimi për objektin: “Ndërtimi i burimit të ri gjenerues të energjisë, Kaskada e Heceve “Egnatia-Shushicë”, Hec Gostimë 1, Hec Gostimë 2, Hec Gostimë 3, Hec Gostimë 4, Hec Gostimë 5, Hec Gostimë 5/1, Hec Gostimë 6, mbi lumin Gostimë (Egnatia –Shushicë), me vendndodhje ne bashkitë Elbasan, Përrenjas dhe Librazhd, Qarku Elbasan”, me subjekt zhvillues shoqërinë “Egnatia Hydropoëer” sh.p.k.

Leje Ndërtimi për objektin: “Ndërtimi i burimit të ri gjenerues të energjisë, hidrocentralit “Kronz”, në përroin e Shehut, degë e lumit të Setës, Qarku Dibër”, me subjekt zhvillues shoqërinë “Laster Energy” sh.p.k

Leje Ndërtimi për objektin: “Objekt për shërbime tregtare dhe magazinim”, me vendndodhje në Bashkinë Vorë, me subjekt zhvillues shoqërinë “Tirana Business Park” sh.p.k.Leje Ndërtimi për objektin: “Zgjerim i rrjetit të komunikimeve elektronike të Operatorit Vodafone Albania, nëpërmjet shtimit të antenave për 18 stacione bazë të emërtuara: 1. Fafa Resort 1314, 2. Elbasan South Ëest 1350, 3. Kukës East 1355, 4. Hamallaj 309, 5. Kukës 2, 1398, 6. Casa Italia 1399, 7. 1313 Golemi, 8. 1349 Thumanë, 9. 1351 Korçë South West, 10. Topoja 1233, 11. Durrës North2 1311, 12. Tërbufi 1321, 13. Hotel Monarc 1344, 14. Fari 1348, 15. 1318 Potam dhe 16. 1337 Selita”, me vendndodhje Bashkitë Elbasan, Durrës, Tiranë, Krujë, Korçë, Fier, Divjakë, Himarë dhe Kukës, me zhvillues shoqërinë “Vodafone Albania” sh.a.

Për shtyrjen e afatit të Lejes së Ndërtimit për objektin: “Terminali lindor I autobusëve Tiranë”, me vendndodhje në Bashkinë Tiranë”, me subjekt zhvillues shoqërinë “Praslin Investment” sh.p.k.

Njoftim anëtarëve të Këshillit Kombëtar të Territorit mbi kërkesat për kontroll përputhshmërie të shqyrtuara nga Agjencia e Zhvillimit të Territorit, për periudhën 24.11.2021 deri më tani, sipas Vendimit Nr. 1, datë 30.07.2015 “Për përcaktimin e rregullave dhe procedurave që do të ndiqen nga Autoritetet e Zhvillimit të Territorit për shqyrtimin e kërkesave për Leje Ndërtimi deri në miratimin e Planeve të Përgjithshme Vendore”, i ndryshuar./Monitor/