Aktivisti politik, Ardian Isufi ka qenë i futar në studion e Fax News për të folur mbi atë që përbën qendrën e politikës shqiptare muajt e fundit, mbi përplasjen brenda PD-së.
Isufi tha se e sheh këtë që po ndodh si diçka që po e çon PD-në në një skaj shumë të errët dhe se ai vetë ishte kundër të dy rrymave duke argumentuar se e djatha kishte nevojë për figura të tjera në krye të cilat nuk ishin konsumuar.
Më tej analisti shtoi se situata e krijuar brenda PD kishte qenë shumë përfituese për Ramën duke i dhënë këtij të fundit qetësinë që kërkonte ndërkohë që në vend po rritet varfëria dhe krimet.
Isufi: PD fatkeqësisht ka ngelur në stanjacion ndërmjet asaj metafore të bravës apo të çelësit gjë që ka kthyer në një absurditet i cili uroj të mbarojë sa më shpejt por ky absurd ku anëtarë të PD apo deputetë duhet ta kenë si shtëpinë tuaj të lirisë sot është futur në këtë pengesë.
Kjo është një fatkeqësi e madhe që po ndodh dhe një problem shumë i madh i lidershipit që duhet prej kohësh të sfidojë vetveten. Gjithashtu në këtë studio e kam thënë që Basha duhet të sfidonte vetveten në kuptimin e vërtetë të fjalës. Jemi në një moment pezullnaje shumë të madhe sepse unë realisht si një i djathtë jam kundër të dy këtyre rrymave. Mendoj se PD është e konsumuar me këto dy figura dhe mendoj se duhet të ketë një garë të plotë dhe të pastër mbi një lidership të PD.
Unë besoj se është e rëndësishme të hapet procesi i garës brenda PD. Mendoj se do ketë një energji të re duke u referuar edhe tek fqinjët tanë. Kështu që së shpejti do kemi konfigurime të reja sa i përket këtyre dy grupimeve por edhe sa i përket një lëvizje të re të djathtë.
Vëmendja është larguar nga kryeministri Edi Rama
Isufi: Së pari fatkeqësisht është sic e parashtuat ju, Edi Rama është në qetësi të madhe të një pushteti të degraduar. Ky mandate nuk duhet të ishte në dorën e Edi Ramës. Mendoj se një konfigurim i ri do kishte një energji të re. Së dyti dua të them se këto akuzat e rënda që kanë ndodhur brenda së djathtës i kanë hequr ato që e kanë përfaqësuar sepse nuk merren me luftën ndaj pushtetit por me luftën ndaj individëve të cilët deri dje kanë qenë pjesë e PD.
Këto akuza i rikthehen PD sot. Cdo ditë dhe më shumë po shikojmë rënien e besimit brenda së djathtës, gjë që po çon në një skaj të errët PD-në por po lulëzon këtë qeveri ndërkohë që po rritet varfëria dhe po rriten vrasjet. Pasojat më të mëdha i marrin qytetarët.
