Inceneratorët, a e justifikoi Batoni rrogën e majme për të mbrojtur aferën?

Skandali i pagave i ndodhur vetëm pak javë më parë në vendin tonë, tronditi jo pak opinionin publik sa i përket rrogave të majme që merrnin një pjesë e personazheve të medias.

Ku ajo që binte në sy ishte super-rroga e analistit pranë qeverisë Baton Haxhiu, i cili disponon edhe e një portal të vetin.

Fillimisht në media u raportua se Haxhiu paguhej nga një psital privat në Shqipëri, ndërkohë që vetë personi për tu justifikuar tha se rroga e tij e majme vjen pasi ai del në 3 media për analiza si dhe punon mbi 15 orë në ditë.

Por megjithë justifikimet e Batonit jo 15 orë por sikur edhe 24 orë në ditë të punosh pa fjetur fare, sërish do të ishte mjaft e vështirë të arrije shifra kaq të frikshme.

Ndërkohë që sot CNA ka sjellë një tjetër fakt tronditës që tregon se super rroga e majme e Batonit nuk vjen as nga dalet e tij si (K)analist e as nga këshillat e tij të vyera për spitalin privat, por vjen pikërisht përmes portalit të tij ‘Albanian Post’ i cili financohet nga paratë e zeza të inceneratorëve.

Kujtojmë që sot 3-shja e Incenereatorëve Klodian Zoto, Mirel mërtiri dhe Stela Gugallja janë në kërkim nga autoritet shqiptare, pasi akuzohen për vjedhjen e miliona eurove.

Sipas CNA pagesat e Inceneratorëve për portalin e Batonit janë dhënë në formën e reklamës. që një media mbahet nga reklama, kjo ëhstë diçka normale, por puetja kryesore është se: Çfarë shesin Inceneratorët që paskan nevojë për reklamë nga media e Baton Haxhiut?

LEXO EDHE  Basha: Jam peng, por si njeri i lirë përballë Ramës

Inceneratorët nuk kanë nevojë për reklamë, sepse nuk shesin asnjë produkt, madje në Shqipëri 3-ja Zoto, Mërtiri, Gugallja i morën paratë pa bërë asnjë punë, dhe shëmbulli konkret janë mbytjet e qyteteve nga plehrat.

Por faktet kanë treguar gjatë gjithë kohës se Inceneratorëve ju duhej një personazh publik që t’i mbronte në media për ta bërë edhe më të besueshëm PPP-të dhe koncensionet e Ramës.

Inceneratorët kishin nevojë për një avokat mbrojtës, që të fliste në media se kjo ishte një supermarveshje e qeverisë Rama me privatin, dhe se çdo qytet do të ishte më i pastër.

Inceneratorët nuk kanë nevojë për reklamë se nuk kanë çfarë shesin, por ama kanë nevojë për të blerë njerëz, emra, zerin e tyre, pavaresisht kostove, pasi i duhen mbrojtës publik, ndoshta më të zellshëm se mbrojtësit e veshur me kostum politik, më të shtrenjtë se edhe shërbimet qe mund ti ofrohen nesër nga avokatët, në përballje me ligjin.

Pyetja është: Sa do paguhej Batoni dhe çdo baton tjetër, sikur bosët e aferës së inceneratorëve do të dinin se një ditë do të bëheshin subjekt i ligjit, si të pandehur dhe akuzuar?