Një 57-vjeçar ka humbur jetën paraditen e sotme në fshatin Drizë të Fierit.
Burime policore bëjnë me dije se 57-vjeçari dyshohet se ishte duke lëvizur në rrugët e fshatit me biçikletë dhe ka rënë në kanal, për arsye ende të paqarta, ku edhe ka humbur jetën.
Viktima është identifikuar si Fiqeri Muhameti.
Policia dhe zjarrfikësit ndodhen në vendin e ngjarjes për të zbuluar rrethanat që çuan në vdekjen e 57-vjeçarit. Paraprakisht, dyshohet se ngjarja është aksidentale.
