Ndryshimi i stafit teknik te Partizani me në krye trajnerin Dritan Mehmeti si dhe emërimi i drejtorit sportiv, Olsi Rama, padyshim do të sjellë shumë ndryshime te 16-herë kampionët e Shqipërisë. Ergys Kaçe është emri i parë i përfolur për t’u larguar nga të kuqtë. Drejtuesit po negociojnë me mesfushorin, megjithëse ky i fundit duke i lëkundur për t’i dhënë fund aventurës me kryeqytetasit.
Trajneri Mehmeti e ka jashtë planeve dhe kësisoj duket e vështirë për t’i gjetur një vend në formacionin titullar. Veç mesfushorit shtatshkurtër do të ketë edhe largime të tjera nga Partizani. Emrat e tyre s’bëhen të ditur, por mësohet se do të jenë futbollistë që kanë eksperiencë në kampionatin shqiptar.
Rikthimi i Dervishit te Partizani ka “lëkundur” ujrat te 16-herë kampionët e Shqipërisë. Ka eksperiencë në Superiore, por edhe e njeh mirë ambientin e kuq. Pritet me interes të mësohen zhvillimet e reja te 16-herë kampionët e vendit.
