Ministria e Shëndetësisë së Kosovës njoftoi këtë të Martë se janë regjistruar 108 raste të reja me koronavirus nga 6.169 testime.
Ky është numri më i madh i rasteve të reja në javët e fundit.
Sipas njoftimit, brenda 24 orëve të fundit nuk u regjistrua asnjë vdekje nga COVID-19.
Raste aktive me koronavirus në Kosovë aktualisht janë 637.
Sa i përket vaksinimit kundër koronavirusit, në 24 orët paraprake janë administruar 2.161 doza të vaksinës. Në Kosovë, deri më tani, me dy dozat e vaksinës janë imunizuar 784.166 persona.
