Klubi i Partizanit ka nisur punën për pjesën e dytë të sezonit me risi në radhët e tij. Të kuqtë i kanë besuar skuadrën Dritan Mehmetit për vijimin e edicionit pas largimit të Ilir Dajës. Por kjo nuk është e vetmja risi me të cilën ka nisur puna për këtë vit.
Drejtuesit e klubit kanë prezantuar sot edhe drejtori e ri sportiv i cili do të ketë detyrën që të merret me skuadrën dhe specifikisht merkaton e të kuqve. Në fakt nuk bëhet fjalë për një emër të ri por për një rikthim, pasi drejtori i ri i të kuqve do të jetë Dritan Dervishi.
Ai ishte pjesë e Partizanit në sezonin 2015-2016, ndërsa më pas ishte në të njëjtin post te klubi i Kukësit. Dervishi është vënë menjëherë në punën për të përgatitur afrimet që të kuqtë synojnë në janar, për të përforcuar radhët e tyre me synimin që të kthehen protagonistë në pjesën e mbetur të kampionatit.
