Një aksident me dy shtetase të plagosura ka ndodhur këtë të Hënë në Durrës.
“Rreth orës 08:30, në lagjen Nr.13, një automjet me drejtues shtetasin S.L., është përplasur me automjetin me drejtues shtetasin P.T. Si pasojë e përplasjes janë dëmtuar shtetaset O. L. dhe A.L, të cilat ndodhen nën kujdesin e mjekëve, jashtë rrezikut për jetën”, njoftoi policia.
Grupi hetimor ndodhet në vendngjarje dhe po punon për sqarimin e rrethanave të aksidentit, shtuan të njëjtat burime.
