Urgjenca e Kukësit gjatë 24 orëve të fundit u ka shërbyer 80 pacientëve. Natën e ndërrimit të viteve 40 qytetarë kanë shfaqur probleme shëndetësore për shkak të përdorimit të pijeve alkolike.
Mjeku i urgjencës së Kukësit Albert Shehu pohoi se virozat e stinës e nata e ndërrimit të viteve ka shkaktuar rritjen e numrit të pacientëve që kërkojnë ndihmë mjeksore.
“Unë e kam marrë shërbimin sot në mëngjes, jemi në krye të detyrës, ka pasur raste me temperaturë. Kemi bërë shërbimin e duhur, normal, janë diku tek 40 persona të paraqitur në urgjencë pasi kishin konsumuar shumë alkool ndërsa 40 të tjerë me simptoma të gripit sezonal”, tha Shehu.
