Qeveria miraton dhënie shtesë të pensionit të posaçëm për 15 personalitete në fusha të ndryshme të shoqërisë shqiptare, mes të cilëve edhe Diana Çuli.
Vendimi i botuar në Fletoren Zyrtare më 31 dhjetor 2021 ka hyrë në fuqi.
Bazuar në vendim, përfitojnë shtesë të pensionit të posaçëm: aktorët Bujar Asqeriu, Marjeta Larja, Zani Ziçishti, Sotiraq Bratko, shahistin Fatos Muço, kompozitorin Thoma Gaqi, mjeshtrin e futbollit Uran Xhafa, ish volejbollistin, legjendën e Dinamos Shaban Uka, volejbollisten Eva Kavaja, shkrimtaren Diana Çuli, këngëtarin Kozma Dushi, kompozitoren Diana Toçe, studiuesin Ylli Drishti dhe Lluka Qafoku.
Qeveria miratoi dhënien shtese të pensionit të posaçëm shtetëror në masën e katërfishit të pensionit social, por shuma e pensionit, që përfiton sipas ligjit nr. 7703.
Çuli është shkrimtarja që i ka bërë recencën poezive të Genc Lekës, i cili u pushkatua bashkë me Vilson Blloshmin, nga regjimi diktatorial.
“Nëse nuk do ta bëja unë ekspertizën, recencën e poezive të Lekës, unë do të dënohesha dhe këtë do ta bënte një tjetër shkrimtar. Nuk e quaj veten përgjegjëse për vrasjen, se ndryshe nuk do të dilja në rrugë. Jam shumë e lënduar dhe e trishtuar për vuajtjen që ka hequr Genc Leka dhe Vilson Blloshmi dhe nuk e quaj veten përgjegjëse për vrasjen”, ka deklaruar Çuli kohë më parë gjatë një debati televiziv.
