Ana Lleshi u përjashtua nga Për’puthen sezonin e kaluar pas publikimit të videos, ku ajo dukej në shtrat me Arjonin. Në këtë mënyrë ata shkelën rregullat e produksionit, që thekson se konkurrentët nuk duhet të takohen me njëri-tjetrin jashtë kamerave.
Ajo nuk e ka gjetur ende dashurinë dhe është rikthyer në sezonin e tretë, ndonëse nuk e ka marrë mbështetjen e plotë të familjes.
“Herën e parë mami e ka përjetuar keq dhe gati po ikte nga kjo botë. Unë e kam mamin speciale, është pak individ më i veçantë. Këtë herë më tha mos e bëj. I thashë dua që njerëzit të njohin një pjesë timen që nuk e kanë njohur më parë”, tha Ana.
