Kylian Mbappe ka shuar shpresat për një transferim në janar drejt Realit të Madridit, por sulmuesi francez ka deklaruar se sezoni me PSG mbaron në verën e 2022.
Në një intervistë të dhënë për mediat, Kylian Mbappe thotë se është “100 për qind” i sigurt se do ta përfundojë sezonin me Paris Saint-Germain dhe nuk do t’i bashkohet Real Madridit në janar.
Mbappe i skadon kontrata verën e ardhshme dhe nga 1 janari do të jetë i lirë të flasë me klubet e huaja për një transferim.
23-vjeçari, i cili kërkoi të largohej nga PSG në fillim të këtij viti, është lidhur fort me një kalim te Real Madrid. Megjithatë, ai thotë se për momentin fokusi i tij i vetëm është PSG dhe mposhtja e Realit në 1/16 e Ligës së Kampionëve.
“Kam në mendje të fitoj vetëm në Real Madrid në shkurt dhe mars. Jo, në janar nuk do të shkoj te Real Madrid. Unë do ta përfundoj sezonin me PSG-në, 100 për qind. Dua të jap gjithçka për të fituar një titull të madh për tifozët, mendoj se e meritoj”.
I pyetur nëse ishte penduar që kërkoi të largohej nga PSG në verë, ai shtoi: “Isha i sinqertë. I dhashë një ndjesi, dhashë atë që kam në zemër. Jam i lumtur që qëndroj…është edhe qyteti im. Unë jam francez…Dua të fitoj gjithçka këtë sezon.
“Parisi është qyteti im, unë kam lindur këtu dhe është gjithashtu vendi ku jam rritur. Të luash për PSG-në është një ndjenjë e mrekullueshme, pasi ke familjen dhe miqtë pranë vetes. Është diçka që e kam ëndërruar gjithmonë.
