Aktorja e famshme Nicole Kidman zbuloi se ka vuajtur nga depresioni pas divorcit me Tom Cruise.
54-vjeçarja tregoi se në atë periudhë luajti rolin e Virginia Woolf në The Hours dhe pranoi se hyri brenda personazhit që kishte mendime vetëvrasjeje. Filmi fliste për betejat e shëndetit mendon të autores së famshme gjatë shkrimit të Mrs Dalloway dhe momentin kur ajo u mbyt në lumin Ouse në 1941, një skenë, të cilën Nicole këmbënguli ta xhironte vetë.
“Nuk e di nëse kam menduar ndonjëherë për rrezikun, mendoj se kam qenë shumë e përfshirë. Domethënë, futa gurët në xhep dhe nisa të ecja në lumë, s’ndaloja. Ndoshta nuk e konsideroja rrezikun.
Mendoj se në atë kohë isha në depresion, nuk isha në trupin tim. Dhe unë mendoj se Stephen (Daldry, regjisori i filmit) ishte shumë delikat me mua sepse ai e dinte këtë. Isha e hapur për ta kuptuar, mendoj se kjo është e bukura e të qenurit aktor”- tha aktorja.
