“Big Brother VIP” është kthyer në një ndër programet më të ndjekura në ekranin shqiptar. Ngjarjet dhe personazhet e tij kanë përfshirë shumë njerëz, që i përjetojnë dramatikisht situatat dhe shpërthejnë më pas në kritika e ofendime të shumta ndaj personazheve ose dhe moderatorëve e opinionistëve.
Së fundmi, moderatorja Arbana Osmani ka qenë në “shënjestrën” e një ndjekëseje. Moderatorja ka ndarë në një postim me ndjekësit në “Instastory”, ku zbulon se një person i ka dërguar asaj mesazhe ku uron më të këqijat për fëmijët e saj. Ironia është se personi në fjalë ka në foton e profilit, një foto me dy fëmijë.
“Sot u zgjova nga mallkimet e kësaj gruaje për fëmijët e mi; dhe ironia është se në foton e saj të profilit janë dy fëmijë. Doja t’i thoja kësaj zonje se urrejtja në përgjithësi dhe ajo në rrjet thjesht do dëmtojë atë si nënë, dhe të vegjlit e saj, dhe uroj që shumë shpejt të ketë një sistem ndalues për mesazhe të tilla; urrejtja në web nuk duhet kurrsesi të normalizohet”, shkruan Arbana në një postim në Instrastory.
