Megjithëse i konsideron vaksinat një mrekulli të njerëzimit, ish-Kryeministri Sali Berisha shprehet se është kundër vaksinimit me detyrim.
Berisha tha në studion e RTV Ora se moshat e reja e konsiderojnë vaksinën një agresor të rrezikshëm, ndaj dhe të gjitha argumentet që ne japim, ndoshta nuk mund ti bindim.
“Sa ç’jam pro vaksinës, jam kundra terrorit që ushtrohet ndaj njerëzve në këtë mënyrë. Unë kam besim te shkenca, por njeriu është psikologjia e tij. Jam për të bërë një propagandë agresive për ti bindur qytetarët të vaksinohen, por jam kundra vaksinave me detyrim”, tha Berisha.
Ai pohoi se si mjek ka besim te vaksinat, e ka kaluar Covid si dhe ka bërë dy doza të vaksinave anti-Covid.
“Unë i bëj vazhdimisht vaksinat, përfshi edhe ato kundra gripit, por jam kundra vaksinimit me detyrim”, shtoi ai.
