Gjykata e Tiranës caktoi sot masën e sigurisë arrest me burg për izraelitin, Rafael Genish, si organizator dhe një shtetas tjetër në rol drejtuesi ( administrator), në Call Center që mashtronte shtetas të vendeve të BE, por jo vetëm.
Për 33 punonjësit e Call Center, Gjykata caktoi masa sigurie ‘arrest në shtëpi’ dhe ‘detyrim paraqitje’.
Nga operacioni u arrestuan 34 persona, ndërsa 20 u vunë nën hetim në gjendje të lirë. Gjithashtu janë sekuestruar 123 kompjutera dhe pajisje të tjera të telefonisë dhe laptopë në funksion të call center.
Nga kjo pikë e call center në Shqipëri janë kontaktuar mbi 2 milion persona, të cilët janë mashtruar sipas skemës së “trurit” izraelit të kompanisë që vepronte në Tiranë duke u zhvatur qindra mijëra euro.
