Man. United praktikisht është e vetmja skuadër nga të mëdhatë që nuk fitoi në Boxing Day. Djajtë e kuq u ndalën në një barazim tepër zhgënjyes me Newcastle të cilët nga ana tjetër marrin 1 pikë shumë të rëndësishme për mbijetesën.
Me një pjesë të parë për t’u harruar, Man. United nuk ekziston pothuajse në fushë me vendasit që gjejnë golin menjëherë në 7’ me francezin Maximin.
Goli i shpejtë duket se ç’ekuilibron djajtë e kuq që nuk dine të reagojnë përveçse disa tentativave nga Greenwood dhe Rashford.
Në pjesën e dytë trajneri Rangnick fut menjëherë në fushë Cavanin me Sancho dhe loja duket se ndryshon edhe pse Ronaldo është totalisht në hije.
Për të shpëtuar Man. United mendon “El Matador” që në minutën e 71’ vendos barazpeshën e megjithatë ndeshjen mund ta fitonte Newcastle.
Vendasit në 90’ kanë dy mundësi të arta por herën e parë në gjuajtjen e Murphy topi prek shtyllën ndërsa Almiron në topin e kthyer gjuan por De Gea bën mrekullinë.
Mbyllet kështu 1-1 një ndeshje zhgenjyes qe për Man. United do të thotë edhe më larg zones Champions.
