Banorët e Moravës kanë dalë sërish në protestë para bazës ushtarake në Kuçovë për kompensim me çmimin e duhur të tokave bujqësore pasi sipas tyre Ministria e Mbrojtjes do i dëmshpërblejë me një shumë qesharake.
Në prononcim për Fax News ata shprehen të vendosur se do i mbrojnë tokat e tyre deri në momentin që të marrin aq para sa kërkojnë.
Tokat do tu merren për rikonstruksionin e fushës së aviacionit.
“Unë kam investuar 18 milionë këta duan të më japin 4 milionë”-thotë një prej tyre.
Banorët: Kam punuar 29 vite në emigrim dhe këta thonë të japim 100 milionë, ato t’i mbajnë për vete. Nuk ka ardhur asnjë përfaqësues i ministrisë apo i NATO-s, ata mendojnë se jemi kafshë.
Ne nuk biem dakort me shpronësimin, duan të na blejnë tokën me çmim qesharak. E kam blerë 18 milionë tokën ai do të më japë 4 milionë lekë.
Nuk shpërngulemi nga tokat tona asnjëherë pa ndryshuar çmimin sepse nuk i kemi ngritur me mashtrime siç i bëjnë këta.
-Kanë nga 5 6 vila hajdutët dhe nuk e vrasin mendjen por ne një kemi e do e mbrojmë atë qe është e jona.
Të vlerësohet sipas tregut, po tallen me ne!
