Mjeku i njohur Erion Dasho në intervistë në emisionin Çim Peka Live në Syri TV, foli për variantin e ri Omicron.
Dasho theksoi se varianti Omicron është më pak vdekjeprurës se variantët e tjerë. Ai shton se ky variant pritet që të shënojë fundin e pandemisë.
“Omicron do të shënojë mbylljen e pandemisë. Është shumë më i lehtë se variantet e tjera dhe ky është një lajm shumë i mirë. Omicron për fat të mirë ka vdekshmërinë tre herë më të ulët se variante të tjera më të rënda.
Omicron infekton më shumë ata që kanë pasur një komplikacion më herët. Duke qenë se bie në trupa të imunizuar, rrezikshmëria e Omicron është më e ulët. Unë besoj se këta janë muajt e fundit që përballemi me pandeminë. Besoj se është dimri i fundit që përballemi me Covid”, deklaroi Dasho.
