Ndarja nga jeta e artistes, Hueyda El Saied, i preku të gjithë shqiptarët. Në një lidhje me Skype për “ABC e Mëngjesit”, bashkëshorti i saj, Thierr ka treguar se i ka bërë një premtim Hueydës dhe do të kujdeset për të gjithë jetën.
“Unë ndjehem shumë mirë për Gabrielin, sepse ai është shumë i fortë dhe është djali im tani. I bëra një premtim Huejdës për tu kujdesur dhe për të qenë babai më i mirë për Gabrielin. Unë do të jem aty për të gjatë gjithë jetës sime”, tha ai.
Më tej, Thierr zbuloi se vendimi që Hueyda të prehet në Luksemburg ishte i tij dhe për këtë ka një arsye të veçantë.
“Huejda nuk donte të fliste për atë çështje direkt me askënd. Ishte vendimi im dhe i familjes, që ta mbajmë Hueydën pranë Gabrielit dhe meje. Për shqiptarët është pak e vështirë të kuptohet. Po unë shkoj te varri i saj çdo ditë dhe flas me të. Kjo është arsyeja pse vendosëm që Hueyda të prehej këtu”, tregoi bashkëshorti i artistes.
