Në të gjithë vendin është vënë re një rritje e çmimit të gjelit të detit. Kur kanë mbetur edhe pak ditë nga festa tradicionale e ndërrimit të viteve, gjelii detit po shitet me 1 mijë lekë të reja kg, nga 800 lekë të reja që ishte vitin e kaluar.
Fermerët shprehen se shkak për këtë rritje është bërë rritja e çmimit të misrit por edhe rritja e çmimit të ilaçeve dhe drithërave me të cilën i mbajnë.
Qytetarët: Me këto çmime të ritura do mendohemi njëher ose do të marrim një të vogël .Megjithëse kemi marrë shpërblim ne jemi pensionista dhe pensioni nuk na del është i vogël skemi se çfarë të blejmë me të më parë.
Tregtarët: Jemi të detyruar ti ngremjë çmimet, është rritur gjithçka. Ne sakrifikojmë shumë për të ritur gjelat e detit. Nuk është e lehtë për ti rritur pasi çmimet e ilaçeve si dhe drithërat ushqimi me të cilën i mbajmë janë rritur shumë. Të rrisësh një gjel deti është si të rrisësh një fëmijë. Sepse ka kosto të shumta. U rritën misri dhe gruri, të gjitha këto nën produkte me të cilat ushqehen këto gjallesa. Pra ne kemi kosto të lartë por edhe populli nuk ka lekë. Ne dalim me humbje. Nga e keqja e kemi rritur cmimin, ku do shkojmë? Familja do lekë, do të hajë.
