Leonardo Bonuçi nuk kursehet kurrë kur është puna për të bërë shaka, edhe për një temë të cilën në Itali e shohin me shumë seriozitet, si play-off i Botërorit ku Italia merr pjesë për të siguruar një biletë të cilën nuk e garantoi direkt nga faza në grupe.
Mbrojtësi italian, në një intervistë për “RAI”, është munduar që të tregojë të gjithë optimizmin e tij rreth këtij dueli nëpërmjet një batute. Italia nuk e ka një rrugëtim të lehtë, pasi përballë do të ketë fillimisht Maqedoninë e Veriut e më pas do të udhëtojë drejt Portugalisë ose Turqisë për finalen e play-off.
“Ronaldo? Kam folur me të, kemi thënë që si fillim duhet të fitojmë gjysmëfinalet, në mënyrë që pastaj të ndeshemi. Pastaj ajo që ndodh në fushë, mbetet aty. Ai gjithsesi e di që do të hajë dru”, shpërtheu në të qeshura mbrojtësi italian.
