Prindërit e yllit të serialit “The Walking Dead”, Alicia Witt, janë gjetur të vdekur në shtëpinë e tyre në Massachusetts të SHBA-së. Siç raporton Associated Press, aktorja nuk kishte kontaktuar me prindërit për disa ditë, kështu që u kishte kërkuar disa të afërmve t’u shkonin për vizitë.
“Për fat të keq, rezultati ishte i paimagjinueshëm. Po kërkoj pakëz privatësi për momentin për të vajtuar dhe për të mësuar të përballem me këtë ndodhi dhe humbje të pabesueshme”- ka deklaruar Witt për People.
Sipas mediave të huaja, policia ka thënë se kishte marrë njoftim se prindërit e Alicias kanë pasur problem me ngrohjen dhe se kanë përdorur një ngrohëse për shtëpinë e tyre të vjetërsuar, ndërsa nuk ka pasur shenja dhune dhe as prezencë të monoksidit të karbonit.
Hipotermia ndodh kur trupi e humb nxehtësinë më shpejt se sa mund të prodhojë nxehtësi, duke shkaktuar një temperaturë të ulët të trupit. Hipotermia ndodh kur temperatura e trupit bie nën 35°C. Me rënien e temperaturës trupore, zemra, sistemi nervor dhe organet e tjera, nuk mund të funksionojnë normalisht. Nëse nuk trajtohet, hipotermia mund të çojë në dështim të plotë të zemrës dhe sistemit të frymëmarrjes dhe përfundimisht në vdekje.
