Viktima e aksidentit të mbrëmjes së sotme në Koplik është efektiv policie.
Ngjarja ndodhi në kryqëzimin e rrugës Grizhe, ku automjeti tip ‘Benz’ me drejtues E.Z, 32 vjeç ka përplasur oficerin e policisë, J.R, 55 vjeç.
Ky i fundit në momentin e aksidentit po shkonte në një vendngjarje.
Efektivi 55-vjeçar ka ndërruar jetë në vendin e ngjarjes.
Drejtuesi i automjetit E.Z është shoqëruar në polici për veprime të mëtejshme.
Shkodër/ Informacion paraprak
Më datë 24.12.2021, rreth orës 19:15, në rrugën e Koplikut në kryqëzimin e rrugës Grizhe, mjeti tip benz me drejtues shtetasin E. Z., 32 vjeç, ka aksidentuar oficerin e Policisë J. R., 55 vjeç, i cili ishte duke shkuar në një vendngjarje dhe për pasojë ka ndërruar jetë.
Drejtuesi i automjetit shtetasi E. Z. është shoqëruar në ambientet e Policisë, për veprime të mëtejshme.
Grupi hetimor vijon punën për sqarimin e rrethanave të aksidentit.
