Ish-Kryeministri Sali Berisha e konsideroi si një mesazh të koduar për SPAK shfaqjen e Kryeministrit Edi Rama në konferencë për mediat, në krah të Drejtoreshës së AKSHI-t.
Rama doli dje në konferencë, ndërsa kërkoi falje për skandalin e publikimit të rrogave të më shumë se 630 mijë qytetarëve.
Por nga emisioni “Zonë e Lirë”, Berisha tha se kjo ishte një hipokrizi nga ana e tij, dhe vuri në dukje edhe faktin që pranë tij në konferencë qëndronte drejtoresha e AKSHI. Sipas Berishës, ky veprim kishte pasur një mesazh të koduar për SPAK.
“A ka hipokrizi më të madhe? A kishte në krah përgjegjësen, drejtoreshën e AKSH? E di pse? Për t’i thënë SPAK-ut guxo po deshe. Ajo është autorja e dhjetërave tenderave secrete të cilat janë rriur më shumë se 15 herë krahasuar me vitin 2013. Kurrë atëherë nuk janë zhvilluar tendera sekretë. Edi Rama i shndërroi tenderat sekretë në një ligj nëpërmjet narkozyrtares më të madhe”, tha Berisha.
