Skandali me të dhënat e qytetarëve që po qarkullon në “WhatsApp”, ku tregohen identiteti, kartat e identitetit, pozicioni i punës dhe paga përkatëse ka ngjallur kureshtje edhe për emrat e njohur të ekranit shqiptar.
Nga 73 mijë lekë të reja deri në 1 milion të reja janë pagat e personazheve të njohur të showbizz-it në këtë database.
Nuk dihet se si kanë rrjedhur këto të dhëna, por Ministria e Financave dhe Ekonomisë ka deklaruar se do të depozitojë një kallëzim penal në prokurori.
Moderatorja Arbana Osmani, sipas kësaj databaze që po qarkullon gjithandej, paguhej rreth 8 mijë e 100 euro në muaj në janar të këtij viti. Tashmë që ajo moderon një program akoma më të ndjekur dhe më shumë impenjativ si “Big Brother VIP”, Arbana padyshim që paguhet akoma edhe më shumë.
