Mamaja e Selena Gomez, Amanda Tiffy ka rrëfyer betejën e vështirë shëndetësore, pasi gjendja e saj u përkeqësua kur u infektua me koronavirus. Mjekët gjatë qëndrimit në spital i kishin dhënë asaj vetëm dy ditë jetë, pasi gjendja e saj ishte përkeqësuar.
“Një javë para se të shkoja për të marrë dozën e parë, u infektova me virus. Gjithë kohën kam qenë në shtëpi. Kur pata temperaturë, niveli i oksigjenit arriti në 69 dhe më dërguan me urgjencë në spital. Filluan të më pyesnin pse nuk e bëra vaksinën. Dhe u thashë ta diskutonin më vonë, se nuk merrja dot frymë. Më thanë se nëse trupi im nuk i përgjigjej trajtimit, do të kisha dy ditë jetë”,- tha nëna e këngëtares së njohur në një intervistë.
