Konfirmohet prania e variantit “Omicron” të koronavirusit në Shqipëri.
Lajmi u bë i ditur në mbledhjen e Komitetit Teknik të Ekspertëve për parandalimin e përhapjes së Covid. Eugena Tomini tha se janë identifikuar dy raste nga monstrat e çuara në laboratarin gjerman, për verifikim. Ajo shtoi se në vend mbizotëron varianti “Delta”.
“Sipas një procesi sistematik të dërgimit të mostrave të detektuara pranë laboratorit të virologjisë në ISHP, nga dërgimi i mostrave të detektuara që kanë sinjale të tjera të dyshuara për variante të tjera të Sars COV 2, është konfirmuar me ardhjen e tyre nga laboratori i referencës në Gjeramani, prezenca e dy rasteve të Omicron në totalin e 221 mostrave të dërguara, përkundrejt seguencimit genomic”, tha Drejtoresha e Institutit të Shëndetit Publik, Eugena Tomini.
Komiteti bëri apel për respektim të masave për parandalimin e koronavirusit dhe vaksinim.
