Një ministër i qeverisë së Madagaskarit notoi për 12 orë deri në breg pasi helikoperi me të cilin udhëtonte ra në det gjatë një misioni kërkim-shpëtimi.
“Nuk ishte radha ime për të vdekur,” tha ministri Serge Gelle i rraskapitur teksa po dërgohëj në spital me barelë.
Dy zyrtarë të tjerë të sigurisë që udhëtonin me të në helikopter gjithashtu i mbijetuan rrëzimit. Ekipi kishte qenë duke vëzhguar një zonë në pjesën verilindore të vendit ku një anije pasagjerësh ishte fundosur dhe të paktën 39 persona kishin humbur jetën.
Në Twitter, Presidenti Andry Rajoelina shprehu ngushëllimet për ata që ndërruan jetë në aksidentin e anijes, dhe gjithashtu nderoi Gelle dhe dy oficerët e tjerë, që arritën të shpëtonin.
“Do të doja që ju ta transmetoni këtë video që ta shihnin familja ime, kolegët e mi, anëtarët e qeverisë. Unë jam gjallë dhe mirë,” u tha Gelle fshatarëve në Mahambo.
Serge Gelle ka shërbyer, në radhët e policisë së Madagaskarit për 30 vjet para se të emërohej Ministër i Brendshëm në muajin gusht. Ministri deklaroi, pas aksidentit se nuk kishte pësuar lëndime, por thjesht kishte ftohtë.
C’est avec une profonde tristesse que j’ai appris le naufrage d’un navire au large d’Antsiraka et son terrible bilan. Mes pensées vont aux victimes et à leurs proches endeuillés.
Je prie solennellement pour le repos de leurs âmes. pic.twitter.com/nZzJsaYMtL
— Andry Rajoelina (@SE_Rajoelina) December 21, 2021
