Një telefonate që ka lajmëruar për të shtëna me armë zjarri pranë gjykatës së Apelit ka vënë në alarm policinë e Shkodrës mëngjesin e sotëm.
Policia bëri me dije se në sallën operative të DVP Shkodër ka ardhur një telefonatë për të shtëna me armë zjarri në afërsi të Prokurorisë. “Shërbimet e Policisë kanë shkuar në vendngjarje dhe nga krehja e zonës deri tani nuk rezulton të ketë ngjarje me armë e as të lënduar e viktima”, bënë me dije burime zyrtare.
“Shërbimet e Policisë po vijojnë krehjen e zonës, për të zbardhur telefonatën, që rezulton deri tani e pavërtetë, pasi ka pasur vetëm një konflikt fizik e verbal midis dy bashkëshortëve qe po shoqërohen në Komisariat për sqarime të mëtejshme”, shtuan të njëjtat burime.
