Lideri historik demokrat, Sali Berisha, e nisi intervistën në Fax News duke komentuar protestën për Ballkanin e Hapur. “PD do mbetet parti e interesit kombëtar,” tha Berisha.
“Rama është një vasal i Vuçiçit. Këtë projekt e ka servirur plotësisht Vuçiç,” akuzoi Berisha, duke shtuar se ky projekt ka vulën e miliarderit George Soros.
“Lulzim Basha në këto vite në krye të opozitës, me heshtjen e tij, ka mbështetur çdo projekt të George Soros në rajon. Nëse ka qenë në borderotë e Soros, këtë nuk e di,” tha Berisha.
Më tej ai komentoi edhe takimin e Lulzim Bashës me Erion Veliajn dhe Taulant Ballën, që u raportua në media.
“Në 12 të natës nuk ka ngushëllime. Ai doli dhe mashtroi të gjithë shqiptarët. Tani më thoni mua, çfarë është kjo? Ajo është marrëveshje mes tyre. Ky është akti i fundit, një marrëveshje me një darkë”.
“Fatkeqësia e PD është se në krye të saj erdhi një Erion Veli me emrin Lulzim Brava”, shtoi Berisha.
