Skënderbeu luan nesër në Elbasan me Dinamon. Sfida e javës së 15 në Superligë starton në 16:45, teksa miqtë nga Korça kanë katër mungesa.
Mbrojtësit Leard Sadriu, Kosta Vangjeli dhe Melos Bajrami janë të dëmtuar, teksa edhe mesfushori Jurgen Vrapi ka probleme fizike. Sadriu dhe Vrapi kanë probleme të mbartura nga javët e shkuara, teksa dy lojtarët e tjerë u dëmtuan në sfidën e fundit.
Përpara ndeshjes, dy skuadrat ndajnë vendin e 7 dhe 8 me 14 pikë, për zonën e ftohtë të klasifikimit.
