Karl-Heinz Rummenigge tashmë nuk është më shefi i klubit bavarez teksa Oliver Kahn është bërë CEO, por fjala e ish drejtuesit mund të ndikojë ende në merkato.
Sipas tij, në një intervistë të fundit, blerja e bomberit Erling Haaland mund të mos jetë një lëvizje e duhur pasi ai ka dyshimet e tij.
“Po të jem plotësisht i sinqertë, nuk jam 100% i bindur te Haaland se stili i tij i të luajturit të futbollit do të përshtatet me Bayern Munchen aq sa është rasti me Robert Lewandowski. Padyshim që Erling është talent i madh dhe lojtar i madh por Lewandowski mund japë në nivele të larta shumë edhe për dy ose tre dhe të shënojë shumë e shumë gola”, tha ai.
Ish drejtuesi i Bayernit foli edhe për situatën e skuadrës dhe për talentin Sane shumë herë të kritikuar dhe për punën e mire të Nagelsmann.
“Leroy Sane, është shumë i talentuar, një lojtar i mrekullueshëm. Ka këmbëngulje, driblim, goditje të mrekullueshme me të majtën dhe tani ai me të vërtetë ka arritur maksimumin e potencialit në Mynih. Kjo është pa diskutim një meritë e Julian Nagelsmann dhe pak nga Hansi Flick që e mori në ekipin kombëtar. Mendoj se Nagelsmann është një trajner i laftë që punon shumë mire”, përfundoi Karl-Heinz Rumennigge.
