Ministrja e Shëndetësisë, Ogerta Manastirliu tha këtë të Hënë se “jemi para periudhës së festave kur padyshim presim te rriten shkëmbimet, ndërveprimet dhe është një situatë delikate për ecurinë e epidemisë në vend”.
Nga foltorja e Kuvendit, ajo tha se “ekspertët tanë po vlerësojnë me shumë vëmendje situatën, për masat që do të nevojiten”.
Ministrja kujtoi dhe masat e reja që hyjnë në fuqi nga muaji Janar.
“Ashtu siç ka vendosur Komiteti eksperteve duke filluar nga 4 Janari të gjithë punonjësit në administratën publike dhe punonjësit në supermarkete, qendra tregtare do të duhet të paraqesin kartën e vaksinimit, të shërimit apo testin antigenit çdo 5 ditë për ata të pavaksinuar. Po kështu jemi duke vlerësuar në dinamikë situatën dhe në ndërkohë po vijojmë me investimet në sektorin shëndetësor për të siguruar Planin e Dimrit si dhe vazhdimit të rritjes së kapaciteteve qoftë sa i përket testimit dhe gjurmimit…”, shtoi.
