Ku ishin ulur 5004 delegatë? Bardhi: Pallati i Kongreseve s’ka vetëm sallën me karrige

Gazment Bardhi në një dalje për mediet iu përgjigj deklaratave se Pallati i Kongreseve nuk i nxë 5000 persona dhe për pasojë pjesëmarrja e deklaruar në Kuvendin e 18 Dhjetorit ishte i manipuluar.

“Komisionet e regjistrimit dhe verifikimet e anëtarëve ishin në të njëjtat ambiente ku ishin prezentë dhe gazetarët. Secili prej jush kishte mundësinë të verifikonte gjithë procedurën që ndoqën të gjitha Komisionet në bashkëpunim me strukturat e PD. Çdo anëtar që paraqitej në sallë, regjistrohej dhe numri i anëtarëve pjesëmarrës në mbledhje është numri i anëtarëve që janë regjistruar. Votat janë verifikuar si në çdo Kuvend Kombëtar”, deklaroi ai.

LEXO EDHE  Pyetësori i Këshillimit Kombëtar/ Edi Rama: Zarfat janë pa emra, nuk identifikohen qytetarët. Për çështjet kemi pasur edhe debate të brendshme

Bardhi tha se të gjitha Kuvendet e PD-së të mbajtura më parë janë bërë transparente. Votat numërohen me votim të hapur, sipas tij.

Pallati i Kongreseve nuk ka vetëm sallën me karrige, delegatët kanë qenë të vendosur edhe në të gjitha ambientet e tjera të Pallatit të Kongreseve”, u shpreh.