Yjet, nëse interpretohen siç duhet, mund të na tregojnë se cilat shenja të zodiakut do të jenë në gjendje të bëjnë një hap përpara në karrierë në vitin 2022.
Kjo nuk do të thotë domosdoshmërisht të fitosh një mal me para; në vitin e ri, konfirmon një sondazh i fundit i Pinterest, theksi do të jetë tek pasioni për punën, me gjithnjë e më shumë njerëz të vendosur për ta kthyer hobin e tyre të preferuar në një profesion dhe burim të ardhurash.
Dhe kjo është një lumturi e madhe. Të udhëhequr nga ‘milenials’, mjeshtra të transformimit dhe fleksibilitetit, ky trend ofron një këndvështrim të ri mbi konceptin e punës.
Tashmë le të shohim ç’zbulon astrologjia Terry Alaimo mbi ata që janë të destinuar të kenë suksese të mëdha në punë në vitin 2022.
Demi
Mundësitë profesionale do të shpërthejnë dhe do të ndiheni të mbështjellë nga një vullnet i fortë për të arritur objektivat. Duhet të duartrokisni kohën tuaj e cila do t’ju lejojë të arrini një marrëveshje dhe/ose të kryeni një blerje dhe shitje të destinuar për t’u paguar mirë dhe shumë.
Virgjeresha
Do të nuhasni rrugën e duhur dhe do ta gjeni pa u vonuar, duke arritur të përfitoni shpërblime të mëdha në fund. Për ju do të jetë viti i rritjeve personale dhe ndryshimit të kursit. Fillimisht kjo mund t’ju destabilizojë (ju jeni një shenjë e Tokës), por tregohuni të guximshëm dhe do të keni sukses.
Peshorja
Fati është në anën tuaj. Më në fund do të shfaqen mundësi që do t’ju nxjerrin nga harresa e pavendosmërive. Tranzitet e 2022-shit do të ngjallin guxim dhe vitalitet në sferën profesionale, ju japin krahë e këmbë, duke ju bërë të shkëlqeni. Ju do të tregoni vlerën tuaj dhe kjo do të përkthehet në promovim dhe njohje të reja.
Bricjapi
Ka ardhur koha që edhe ju të merrni frymë. Rritje page dhe/ose role prestigjioze ju presin në horizont. Do të ndiheni gjithashtu energjikë, vitalë dhe plot iniciativë. Jeni të mbështetur nga ndikimi fatlum i Jupiterit, me mundësinë e bashkëpunimeve të reja të rëndësishme.
Peshqit
Jupiteri ju shoqëron në vitin 2022 dhe ja ku vijnë rezultatet e prekshme në punë. Do të merrni mbështetjen e njerëzve të duhur dhe do t’i përkushtoheni pa sforcim punës, të etur për të synuar lart. Në fakt, është viti i përsosur për të qenë ambiciozë.
