Një 52-vjeçar në Tiranë, pronari i një lokali, është arrestuar për veprën penale “Organizimi i lotarive të palejuara”.
“U arrestua në flagrancë shtetasi Z.T., 52 vjeç, pasi u konstatua duke ushtruar aktivitetin e paligjshëm të lojërave të fatit, nëpërmjet lotarive sportive, në ambientet e lokalit në pronësi të tij, në rrugën ‘Selman Riza’”, njoftoi policia.
Në cilësinë e provës materiale u sekuestruan dy aparatura dekoder dhe një aparat celular që dyshohet se përdoreshin për ushtrimin e aktivitetit të lojërave të fatit dhe 62.500 lekë të rinj, që dyshohet se janë përfituar nga ky aktivitet i paligjshëm, shtuan të njëjtat burime.
