Partizani e ka mbyllur në avantazh 1-0 pjesën e parë përballë Kukësit, takim i vlefshëm për javën e 14-të të Superiores. Diferencën në 45 minutat e para e ka bërë supergoli i Mustës në minutën e 11-të.
Mesfushori realizoi pas një goditje dënimi potente duke mos i dhënë mundësi reagimi portierit kundërshtar.
Kukësi u mundua të reagonte pak minuta më pas me tentativa dy herë radhazi të kapitenit Taipi. Mesfushori fillimisht fluturon topin lart mbi traversë, ndërsa në mundësinë e dytë gjuan jashtë ngjitur me shtyllën në të djathtë të Teqjes.
Minutat në vazhdim folën për skuadrën e Dajës që rrezikuan me Malën dhe Muratajn por pa arritur të gjejnë golin e sigurisë.
https://streamable.com/lu8twd
