Qyteti i Vlorës ka qenë në qendër të vëmendjes për shkak të atentatit që iu bë 34-vjeçarit në garazhin e pallatit ku jetonte. Por para disa minutash, ka ndodhur një tjetër ngjarje.
Një person i dënuar me arrest shtëpie ka thyer masën e sigurisë duke dalë nga banesa. Forcat blu e kanë pikasur dhe e kanë ndjekur me makinë, por ai në përpjekje për t’ia mbathur ka aksidentuar një tjetër automjet.
Fatmirësisht nuk raportohet për persona të lënduar, ndërsa personi në fjalë është arrestuar nga policia e Vlorës.
Sa i përket atentatit me eksploziv ndaj 34-vjeçarit Endrit Sadedini, mësohet se është transportuar në spitalin e Traumës në Tiranë për të marrë trajtim të specializuar mjekësor, por është në gjendje shoku.
