Janë sekuestruar nga grupi hetimor pamjet e kamerave të kapura nga atentati i sotëm në Vlorë ndaj 33-vjeçarit Indrit Sadedini.
Atij iu bë atentat me tritol në Lungomaren e Vlorës dhe për pasojë i riu u plagos rëndë në të dyja këmbët. Pak më parë ai mbërriti te Spitali i Traumës në Tiranë për mjekim më të specializuar. Vendi ku ndodhi shpërthimi është i mbuluar me kamerat e sigurisë të disa bzineseve në zonë.
Sipas dyshimeve të grupit hetimor, autori ka qenë pranë makinës së 33-vjeçarit duke e ndjekur deri në momentin që ka shtypur telekomandën për të shpërthyer tritolin. Në pamjet e kamerave të sigurisë, policia ka vënë re një person i cili ka kryer disa lëvizje të dyshimta pranë garazhit të 33-vjeçarit Sadedini dhe po punohet për identifikimin e tij. /Shqip
