Nënkryetari i LSI, Petrit Vasili, përmes një postimi në rrjetet sociale, i ka drejtuar një thirrje SPAK-ut, të marrë në përgjegjësi penale, Kryeministrin Edi Rama dhe Kryebashkiakun, Erion Veliaj, lidhur me aferën e inceneratorëve.
Vasili shkruan se shqiptarët sot presin nga SPAK të marrë në përgjegjësi penale të gjithë bandën e strukturuar kriminale të inceneratorëve, duke filluar nga kokat e vërteta.
Ai thekson se dokumentet tregojnë qartazi përgjegjësinë e Ramës dhe Veliajt. Sipas tij, Kryebashkiaku i Tiranës, shkeli ligjin për pushtetin vendor dhe asgjesoi Këshillin Bashkiak për inceneratorin e Tiranës.
Postimi nga Petrit Vasili
SPAK rendon veten duke mos marre ne pergjegjesi penale Ramen e Veliajn!
Te gjithe shqiptaret kerkojne sot marrjen ne pergjegjesi penale te te gjithe bandes se strukturuar kriminale te inceneratoreve duke filluar nga kokat e verteta.
Dokumentet flasin shume qarte per pergjegjesine e Veliajt dhe Rames.(FOTO)
Veliaj e shkeli dhunshem Ligjin e Pushtetit Lokal dhe asgjesoi Keshillin Bashkiak per Inceneratorin e Tiranës, SPAK- u ç’pret akoma!
Projekti i Inceneratorit te Tiranes është miratuar vetëm nga kryetari i bashkisë së Tiranës Erion Veliaj, i cili është shprehur ‘parimisht dakord’ mbi studimin e fizibilitetit.
Por Veliaj nuk e ka asnje te drejte për ta miratuar projektin me angazhim financiar per plot 30 vjet.
Veliaj vetëm sa e propozon buxhetin e Bashkisë.
I vetmi institucion, i cili miraton Buxhetin eshte Këshilli Bashkiak
Neni 54 pika pika “dh” e Ligjit te Veteqeverisjes Vendore eshte asgjesuese, ja ligji:
NENI 54
Detyrat dhe kompetencat e këshillit bashkiak
Këshilli bashkiak ka këto detyra dhe kompetenca:
dh) miraton buxhetin dhe ndryshimet e tij. Në vendimin për miratimin e buxhetit miraton,
gjithashtu, edhe numrin e maksimal të punonjësve të bashkisë, si dhe të njësive e institucioneve
buxhetore në varësi të bashkisë;
Po cilat jane kompetencat e Veliajt, ja cfare thote neni 64:
Neni 64
Kompetencat dhe detyrat e kryetarit të bashkisë
Kryetari i bashkisë ka këto kompetenca dhe detyra:
a) ushtron të gjitha kompetencat në kryerjen e funksioneve të bashkisë, me përjashtim të atyre që
janë kompetencë vetëm e këshillit përkatës;
b) zbaton aktet e këshillit;
Miratimi personal i Veliajt pa vendimin e Keshillit Bashkiak eshte
1.privatizimi prej tij i Bashkise se Tiranes,
2.eshte veper e qarte korruptive,
3.eshte rrembim i paligjshem i kompetencave te Keshillit Bashkiak dhe shperdorim i qarte detyre.
Ndersa Rama ka firmosur me doren e tij Koncesionin duke pasur opinionin kunder edhe te ministrave te tij.
SPAK pra e ka shume te lehte detyren!
Ç’pret SPAK-u perse nuk vepron?
A eshte i pavarur apo pret urdherat e Rames dhe Veliajt?
Keto fakte e prova jane te njohura per te gjithe shqiptaret dhe ato as nuk fshihen e as nuk zhduken dot.
Ndaj SPAK sa me shume vonohet vetem sa kompromenton rende veten, pasi fatin e pakthyeshem te bandes se inceneratoreve nuk e ndryshon dot.
