Mbi 75 mijë anëtarë të Partisë Demokratike janë thirrur sot në një referendum, i pari i këtij lloji mbajtur në Shqipëri në 31 vjet pluralizëm, për t’u shprehur me votën e tyre nëse janë dakort ose jo për shkarkimin e Lulzim Bashës si Kryetar i PD.
Referndumi mbahet një javë pasi mbi 4400 delegatë të Kuvendit Kombëtar të PD votuan në mënyrë të fshehtë për shkarkimin e Bashës, miratuan ndryshimet statutore si dhe ngritjen e një Komisioni Rithemelimi të përbërë nga 29 anëtarë.
Procesi i votimit nis në orën 08:00 dhe mbyllet në orën 17:00.
Në anën tjetër Lulzim Basha ka thirrur një Kuvend, i cili do të mbahet në Pallatin e Kongreseve, ndërsa ka një paqartësi dhe pikëpyetje të shumta lidhur me praninë e delegatëve, pasi mediat kanë denoncuar raste se si delegatë janë përfshirë persona që nuk kanë këtë status.
Ndërkohë janë përcaktuar edhe Qendrat e Votimit ku anëtarësia e PD do të shprehet me votë.
