Ndërsa prej orës 08:00 të mëngjesit të sotëm me mijëra demokratë i janë drejtuar qendrave të votimit, sipas degëve, duke ushtruar të drejtën e votës për ratifikimin e vendimit të Kuvendit Kombëtar të 11 dhjetorit, për shkarkimin e Lulzim Bashës nga posti i kreut të kësaj partie, në Pallatin e Kongreseve, Basha ka thirrur mbështetësit e tij, në përpjekje për të mbledhur një Kuvend tjetër.
Nga video e mëposhtme, shihet se pjesa më e madhe e pjesëmarrësve në takimin e thirrur nga Basha janë adoleshentë, pothuajse të njëjtët që mbushën sallën e ArTurbina në 8 dhjetor, ditën e Rinisë.
Në Kuvendin e thirrur nga Basha ndodhen një grup deputetësh, të njohur si mbështetës të tij, por edhe drejtuesit e degëve dhe të tjerë anëtarë, që i janë bashkuar kreut të shkarkuar të demokratëve, ndërsa janë ngritur pikëpyetje të shumta lidhur me ata që po trajtohen si delegatë të Kuvendit.
