Deputetja demokrate Albana Vokshi, në emër të Komisionit të Rithemelimit, raportoi shifrat e pjesëmarrjes në votimin e referendumit deri në orën 15:00.
Ajo njoftoi se 34105 demokratë kanë shprehur vullnetin e tyre me votë deri në këtë orë, ndërkohë që procesi i votimit vijon.
Kjo shifër tregon se është tejkaluar numri i votave kur u zgjodh Lulzim Basha kryetar i PD në 13 qershor, shtoi deputetja.
Vokshi tha se qendrat e votimit do të jenë hapur derisa të votojë edhe demokrati i fundit.
“Deri në orën 15:00 janë 34 105 votues. Në shumë qendra votimi është tejkaluar numri i votuesve përfundimtar të datës 13 qershor për Lulzim Bashën. Numri presim që të jetë shumë më i lartë. Qendrat e votimit të qëndrojnë hapur derisa të ketë votuar edhe demokrati i fundit”, u shpreh Vokshi.
