Numri i delegatëve në Kuvendin e thirrur nga Lulzim Basha dhe kryesia e PD, pati dyshime se u manipulua.
Sipas palës organizuese, 5004 delegatë të Partisë Demokratike ishin në Kuvend, por ambienti ku u zhvillua – Pallati i Kongreseve – vlerësohet se nuk ka kapacitet për aq shumë persona sa u deklarua.
Në faqen zyrtare të Bashkisë së Tiranës, ku flitet për Pallatin e Kongreseve, thuhet se salla mban 2100 persona.
Edhe në Wikipedia thuhej se salla mban 2100 persona.
Por ajo që bie në sy pas lajmit të publikuar nga mediat duke iu referuar këtyre burimeve publike, se kjo sallë nuk ka kapacitet për aq delegatë të deklarua sot, është ndërhyrë në faqen e Wikipedias duke e ndryshuar kapacitetin e sallës në 5400.
