Në mbledhjen e sotme të kryesisë së Partisë Demokratike është propozuar që në strukturat qendrore të mos ketë individë non grata. Propozimi është bërë nga Enkelejd Alibeaj dhe pritet të votohet në Kuvendin e thirrur nesër nga Basha.
Deputetja Dhurata Çupi e ka cilësuar këtë si një qëndrim ndaj ish-kryeministrit Sali Berisha i cili është pezulluar pas shpalljes non grata nga SHBA, por PD nuk ka ende një vendim për përjashtimin e tij. “Kjo është për Sali Berishën. Ta themi qartë dhe shqip. A jemi në gjendje të përballojmë këtë ndaj demokratëve?”, ka deklaruar ajo.
Disa nga deputetët e pranishëm në mbledhje mes të cilëve Kreshnik Çollaku, Ori Nebiaj, Ervin Salianji dhe Agron Gjekmarmakaj kanë dhënë dakordësinë e tyre për propozimin e Alibeajt, duke votuar pro.
Diskutimet në mbledhjen e kryesisë
Dhurata Çupi: Kjo është për Sali Berishën. Ta themi qartë dhe shqip. A jemi në gjendje të përballojmë këtë ndaj demokratëve?
Kreshnik Çollaku: Jam dakord me këtë propozim.
Agron Gjekmarakaj: Jam dakord me propozimin
Ervin Salianji: Ta kthejmë në rezolutë.
Orjela Nebiaj: Dakord
Nëmbledhje është propozuar ngritja e Komisionit të përhershëm Statutor, anëtarët e së cilës do të jenë Enkelejd Alibeaj, Jorida Tabaku, Ervin Salianji, Kreshnik Çollaku, Taulant Zeneli, Jonila Godole.
Kuvendi Kombëtar i PD i thirrur nga Lulzim Basha pritet të nisë punimet nesër në orën 11:00 në Pallatin e Kongrese. Ndërkohë nga ana tjetër, mbështetësit e Kuvendit të 11 Dhjetorit kanë organizuar referendum në çdo degë të PD për shkarkimin e Lulzim Bashës nga posti i kryetarit.
/ABC NEWS/
